سنن ابن ماجہ حدیث ۲۳۳۴ - گھریلو جھگڑے اور نبی صلى الله عليه وسلم کا حلم
گھریلو اختلاف میں نبی صلى الله عليه وسلم کی بردباری
سنن ابن ماجہ : ۲۳۳۴
سنن ابن ماجہحدیث نمبر ۲۳۳۴
حَدَّثَنَا مُحَمَّدُ بْنُ الْمُثَنَّى ، حَدَّثَنَا خَالِدُ بْنُ الْحَارِثِ ، حَدَّثَنَا حُمَيْدٌ ، عَنْ أَنَسِ بْنِ مَالِكٍ ، قَالَ : كَانَ النَّبِيُّ صَلَّى اللَّهُ عَلَيْهِ وَسَلَّمَ عِنْدَ إِحْدَى أُمَّهَاتِ الْمُؤْمِنِينَ فَأَرْسَلَتْ أُخْرَى بِقَصْعَةٍ فِيهَا طَعَامٌ فَضَرَبَتْ يَدَ الرَّسُولِ فَسَقَطَتِ الْقَصْعَةُ فَانْكَسَرَتْ ، فَأَخَذَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْكِسْرَتَيْنِ فَضَمَّ إِحْدَاهُمَا إِلَى الْأُخْرَى فَجَعَلَ يَجْمَعُ فِيهَا الطَّعَامَ وَيَقُولُ : " غَارَتْ أُمُّكُمْ كُلُوا " ، فَأَكَلُوا حَتَّى جَاءَتْ بِقَصْعَتِهَا الَّتِي فِي بَيْتِهَا فَدَفَعَ الْقَصْعَةَ الصَّحِيحَةَ إِلَى الرَّسُولِ وَتَرَكَ الْمَكْسُورَةَ فِي بَيْتِ الَّتِي كَسَرَتْهَا .
انس بن مالک روایت:
نبی اکرم صلی اللہ علیہ وسلم امہات المؤمنین رضی اللہ عنہن میں سے ایک کے پاس تھے، آپ کی کسی دوسری بیوی نے ایک کھانے کا پیالہ بھیجا، پہلی بیوی نے (غصہ سے کھانا لانے والے) کے ہاتھ پر مارا، اور پیالہ گر کر ٹوٹ گیا، رسول اللہ صلی اللہ علیہ وسلم نے دونوں ٹکڑوں کو اٹھا کر ایک کو دوسرے سے جوڑا اور اس میں کھانا اکٹھا کرنے لگے اور فرماتے جاتے تھے: تمہاری ماں کو غیرت آ گئی ہے (کہ میرے گھر اس نے کھانا کیوں بھیجا)، تم کھانا کھاؤ، لوگوں نے کھایا، پھر جن کے گھر میں آپ صلی اللہ علیہ وسلم تھے اپنا پیالہ لائیں، تو آپ نے یہ صحیح سالم پیالہ قاصد کو عنایت کر دیا، اور ٹوٹا ہوا پیالہ اس بیوی کے گھر میں رکھ چھوڑا جس نے اسے توڑا تھا۔
سنن ابن ماجہ حدیث ۲۳۳۴ کا خلاصہ
اس حدیث میں ازواج مطہرات کے درمیان ایک واقعہ کا ذکر ہے جس میں کھانے کے برتن ٹوٹ گئے لیکن نبی صلى الله عليه وسلم نے غصہ نہیں کیا۔ آپ صلى الله عليه وسلم نے ٹوٹے ہوئے برتن کو جوڑ کر کھانا اکٹھا کیا اور سب نے کھایا۔ پھر نرمی سے متبادل برتن واپس کیا۔ اس سے معلوم ہوتا ہے کہ گھریلو اختلافات میں برداشت اور نرمی اختیار کرنا بہترین عمل ہے۔
اس حدیث سے ہماری تعلیم
- گھریلو جھگڑوں میں نرمی اختیار کرنی چاہیے
- غصے کے بجائے مسئلہ حل کرنا بہتر ہے
- نبی صلى الله عليه وسلم ہمیشہ انصاف اور حلم سے پیش آتے تھے
