سنن نسائی حدیث ۱۱۶ - وضو کے بعد دو رکعت کی فضیلت
وضو کے بعد دو رکعت: گناہوں کی معافی
سنن نسائی : ۱۱۶
سنن نسائیحدیث نمبر ۱۱۶
أَخْبَرَنَا أَحْمَدُ بْنُ عَمْرِو بْنِ السَّرْحِ ، وَالْحَارِثُ بْنُ مِسْكِينٍ قِرَاءَةً عَلَيْهِ وَأَنَا أَسْمَعُ وَاللَّفْظُ لَهُ ، عَنْ ابْنِ وَهْبٍ ، عَنْ يُونُسَ ، عَنْ ابْنِ شِهَابٍ ، أَنَّ عَطَاءَ بْنَ يَزِيدَ اللَّيْثِيَّ أَخْبَرَهُ ، أَنَّ حُمْرَانَ مَوْلَى عُثْمَانَ أَخْبَرَهُ ، أَنَّ عُثْمَانَ دَعَا بِوَضُوءٍ فَتَوَضَّأَ فَغَسَلَ كَفَّيْهِ ثَلَاثَ مَرَّاتٍ ، ثُمَّ مَضْمَضَ وَاسْتَنْشَقَ ، ثُمَّ غَسَلَ وَجْهَهُ ثَلَاثَ مَرَّاتٍ ، ثُمَّ غَسَلَ يَدَهُ الْيُمْنَى إِلَى الْمِرْفَقِ ثَلَاثَ مَرَّاتٍ ، ثُمَّ غَسَلَ يَدَهُ الْيُسْرَى مِثْلَ ذَلِكَ ، ثُمَّ مَسَحَ بِرَأْسِهِ ، ثُمَّ غَسَلَ رِجْلَهُ الْيُمْنَى إِلَى الْكَعْبَيْنِ ثَلَاثَ مَرَّاتٍ ، ثُمَّ غَسَلَ رِجْلَهُ الْيُسْرَى مِثْلَ ذَلِكَ ، ثُمَّ قَالَ : رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ تَوَضَّأَ نَحْوَ وُضُوئِي هَذَا . ثُمَّ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ تَوَضَّأَ نَحْوَ وُضُوئِي هَذَا ثُمَّ قَامَ فَرَكَعَ رَكْعَتَيْنِ لَا يُحَدِّثُ فِيهِمَا نَفْسَهُ ، غُفِرَ لَهُ مَا تَقَدَّمَ مِنْ ذَنْبِهِ " .
حمران مولی عثمان روایت:
عثمان رضی اللہ عنہ نے وضو کا پانی مانگا، اور وضو کیا، تو انہوں نے اپنے دونوں ہتھیلی تین بار دھو لی، پھر کلی کی اور ناک میں پانی ڈالا، پھر اپنا چہرہ تین بار دھویا، پھر اپنا دایاں ہاتھ کہنی تک تین بار دھویا، پھر اسی طرح اپنا بایاں ہاتھ دھویا، پھر اپنے سر کا مسح کیا، پھر اپنا دایاں پاؤں ٹخنے تک تین بار دھویا، پھر اسی طرح بایاں پاؤں دھویا، پھر کہا: میں نے رسول اللہ صلی اللہ علیہ وسلم کو دیکھا کہ آپ نے میرے اسی وضو کی طرح وضو کیا، پھر کہا کہ رسول اللہ صلی اللہ علیہ وسلم نے فرمایا: ”جو میرے اس وضو کی طرح وضو کرے، پھر کھڑے ہو کر دو رکعت نماز پڑھے، اور اپنے دل میں دوسرے خیالات نہ لائے تو اس کے گزشتہ گناہ معاف کر دیئے جائیں گے“ ۱؎۔
سنن نسائی حدیث ۱۱۶ کا خلاصہ
حمران مولیٰ عثمان کی روایت میں عثمان رضی اللہ عنہ نے وضو کر کے نبی صلى الله عليه وسلم کا طریقہ دکھایا۔ انہوں نے ہتھیلیاں تین بار دھوئیں، کلی کی، ناک میں پانی ڈالا، چہرہ تین بار دھویا، دایاں ہاتھ کہنی تک تین بار اور پھر بایاں ہاتھ اسی طرح دھویا، سر کا مسح کیا، پھر دونوں پاؤں ٹخنوں تک تین تین بار دھوئے۔ پھر فرمایا کہ میں نے رسول اللہ صلى الله عليه وسلم کو اسی طرح وضو کرتے دیکھا۔ اس کے بعد حدیث میں آیا کہ جو شخص اس طرح وضو کرے، پھر کھڑے ہو کر دو رکعت پڑھے اور دل میں دوسری باتیں نہ لائے، اس کے پچھلے گناہ معاف کر دیے جاتے ہیں۔ یہ روایت وضو کی فضیلت، دو رکعت نماز اور دل کی توجہ کو جوڑتی ہے۔
اس حدیث سے ہماری تعلیم
- عثمان رضی اللہ عنہ نے نبی صلى الله عليه وسلم جیسا وضو کر کے دکھایا۔
- وضو کے بعد دو رکعت نماز پڑھنے کی فضیلت بیان ہوئی ہے۔
- نماز میں دل کو دوسری باتوں سے بچانے کا ذکر آیا ہے۔
- گناہوں کی معافی اسی عمل کے ساتھ بیان کی گئی ہے جو حدیث میں آیا ہے۔
