صحیح مسلم حدیث ۴۲۶ - دجال کی کھلی نشانی
دجال کی نشانی: اللہ کانا نہیں اور دجال دائیں آنکھ سے کانا ہے
صحیح مسلم : ۴۲۶
صحیح مسلمحدیث نمبر ۴۲۶
حَدَّثَنَا مُحَمَّدُ بْنُ إِسْحَاق الْمُسَيَّبِيُّ ، حَدَّثَنَا أَنَسٌ يَعْنِي ابْنَ عِيَاضٍ ، عَنْ مُوسَى وَهُوَ ابْنُ عُقْبَةَ ، عَنْ نَافِعٍ ، قَالَ : قَالَ عَبْدُ اللَّهِ بْنُ عُمَرَ ، ذَكَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمًا بَيْنَ ظَهْرَانَيِ النَّاسِ الْمَسِيحَ الدَّجَّالَ ، فَقَالَ : إِنَّ اللَّهَ تَبَارَكَ وَتَعَالَى لَيْسَ بِأَعْوَرَ ، أَلَا إِنَّ الْمَسِيحَ الدَّجَّالَ أَعْوَرُ عَيْنِ الْيُمْنَى ، كَأَنَّ عَيْنَهُ عِنَبَةٌ طَافِيَةٌ ، قَالَ : وَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَرَانِي اللَّيْلَةَ فِي الْمَنَامِ عِنْدَ الْكَعْبَةِ ، فَإِذَا رَجُلٌ آدَمُ كَأَحْسَنِ مَا تَرَى مِنْ أُدْمِ الرِّجَالِ ، تَضْرِبُ لِمَّتُهُ بَيْنَ مَنْكِبَيْهِ ، رَجِلُ الشَّعْرِ يَقْطُرُ رَأْسُهُ مَاءً ، وَاضِعًا يَدَيْهِ عَلَى مَنْكِبَيْ رَجُلَيْنِ ، وَهُوَ بَيْنَهُمَا يَطُوفُ بِالْبَيْتِ ، فَقُلْتُ : مَنْ هَذَا ؟ فَقَالُوا : الْمَسِيحُ ابْنُ مَرْيَمَ ، وَرَأَيْتُ وَرَاءَهُ رَجُلًا جَعْدًا قَطَطًا ، أَعْوَرَ عَيْنِ الْيُمْنَى ، كَأَشْبَهِ مَنْ رَأَيْتُ مِنَ النَّاسِ بِابْنِ قَطَنٍ ، وَاضِعًا يَدَيْهِ عَلَى مَنْكِبَيْ رَجُلَيْنِ يَطُوفُ بِالْبَيْتِ ، فَقُلْتُ : مَنْ هَذَا ؟ قَالُوا : هَذَا الْمَسِيحُ الدَّجَّالُ " .
عبداللہ بن عمر روایت:
رسول اللہ صلی اللہ علیہ وسلم نے ایک دن لوگوں کے بیچ میں مسیح دجال کا ذکر کیا تو فرمایا: ”اللہ جل شانہ کانا نہیں ہے اور مسیح دجال کانا ہے داہنی آنکھ کا، اس کی کانی آنکھ جیسے پھولا ہوا انگور“ (پس یہی ایک کھلی نشانی ہے اس بات کی کہ وہ مردود جھوٹا ہے خدائی کے دعوے میں)، آپ صلی اللہ علیہ وسلم نے فرمایا: ”ایک رات خواب میں میں نے اپنے آپ کو کعبہ کے پاس دیکھا ایک شخص گیہوں رنگ جیسے بہت اچھا کوئی گیہوں رنگ کا آدمی اس کے پٹھے مونڈھوں تک تھے اور بالوں میں کنگھی کی ہوئی تھی سر میں سے پانی ٹپک رہا تھا اور اپنے دونوں ہاتھ دو آدمیوں کے مونڈھوں پر رکھے ہوئے طواف کر رہا تھا خانہ کعبہ کا، میں نے پوچھا: یہ شخص کون ہے؟لوگوں نے کہا: یہ مسیح ہیں مریم علیہا السلام کے بیٹے اور ان کے پیچھے میں نے اور ایک شخص کو دیکھا جو سخت گھونگر بال والا داہنی آنکھ کا کانا تھا میں نے جو لوگ دیکھے ہیں ان سب میں ابن قطن اس سے زیادہ مشابہ ہے وہ بھی اپنے دونوں ہاتھ دو آدمیوں کے مونڈھوں پر رکھے طواف کر رہا تھا میں نے پوچھا: یہ کون ہے؟ لوگوں نے کہا: یہ مسیح دجال ہے۔“
صحیح مسلم حدیث ۴۲۶ کا خلاصہ
یہ دجال کی نشانی کے بارے میں بہت واضح حدیث ہے۔ رسول اللہ صلی اللہ علیہ وسلم نے لوگوں کے درمیان مسیح دجال کا ذکر فرمایا اور بتایا کہ اللہ تعالیٰ کانا نہیں ہے، جبکہ مسیح دجال دائیں آنکھ سے کانا ہے۔ اس کی کانی آنکھ پھولے ہوئے انگور جیسی بیان ہوئی۔ پھر آپ صلی اللہ علیہ وسلم نے خواب کا ذکر فرمایا کہ آپ نے کعبہ کے پاس ایک خوبصورت گندمی رنگ شخص کو دیکھا، بال کندھوں تک، سر سے پانی ٹپک رہا تھا، دو آدمیوں کے کندھوں پر ہاتھ رکھے طواف کر رہے تھے۔ بتایا گیا کہ یہ مسیح ابن مریم علیہ السلام ہیں۔ ان کے پیچھے دجال کو دیکھا گیا، گھونگریالے بال والا، دائیں آنکھ سے کانا، ابن قطن سے مشابہ۔ یہ حدیث دجال کی پہچان، عیسیٰ علیہ السلام کی صفت، اور باطل دعوے کو پہچاننے کی نصیحت دیتی ہے۔
اس حدیث سے ہماری تعلیم
- دجال کی پہچان میں دائیں آنکھ کا عیب خاص طور پر بیان ہوا ہے۔
- حدیث میں صاف فرمایا گیا کہ اللہ تعالیٰ کانا نہیں ہے۔
- عیسیٰ علیہ السلام کا طواف اور دجال کا ذکر ایک ہی خواب میں آیا ہے۔
- جھوٹے دعوے کو پہچاننے کے لیے نبی صلی اللہ علیہ وسلم کی بتائی نشانی اہم ہے۔
