صحیح مسلم حدیث ۷۰۹ - عورت کے احتلام پر غسل
عورت کا احتلام: جب ایسا دیکھے تو غسل کرے
صحیح مسلم : ۷۰۹
صحیح مسلمحدیث نمبر ۷۰۹
وحَدَّثَنِي زُهَيْرُ بْنُ حَرْبٍ ، حَدَّثَنَا عُمَرُ بْنُ يُونُسَ الْحَنَفِيُّ ، حَدَّثَنَا عِكْرِمَةُ بْنُ عَمَّارٍ ، قَالَ : قَالَ إِسْحَاق بْنُ أَبِي طَلْحَةَ ، حَدَّثَنِي أَنَسُ بْنُ مَالِكٍ ، قَالَ : " جَاءَتْ أُمُّ سُلَيْمٍ وَهِيَ جَدَّةُ إِسْحَاق إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ ، فَقَالَتْ لَهُ وعَائِشَةُ عِنْدَهُ : يَا رَسُولَ اللَّهِ ، الْمَرْأَةُ تَرَى مَا يَرَى الرَّجُلُ فِي الْمَنَامِ ، فَتَرَى مِنْ نَفْسِهَا مَا يَرَى الرَّجُلُ مِنْ نَفْسِهِ ؟ فَقَالَتْ عَائِشَةُ : يَا أُمَّ سُلَيْمٍ ، فَضَحْتِ النِّسَاءَ ، تَرِبَتْ يَمِينُكِ ، فَقَالَ لِعَائِشَةَ : بَلْ أَنْتِ ، فَتَرِبَتْ يَمِينُكِ ، نَعَم ، فَلْتَغْتَسِلْ يَا أُمَّ سُلَيْمٍ ، إِذَا رَأَتْ ذَاكِ .
انس بن مالک روایت:
ام سلیم رضی اللہ عنہا رسول اللہ صلی اللہ علیہ وسلم کے پاس آئیں (اور وہ دادی تھیں اسحاق کی جو راوی ہے اس حدیث کا انس رضی اللہ عنہ سے) اور وہاں عائشہ رضی اللہ عنہا بیٹھی تھیں۔ انہوں نے کہا: یا رسول اللہ! عورت اگر سونے میں ایسا دیکھے جیسے مرد دیکھتا ہے، (یعنی منی کو) یہ سن کر عائشہ رضی اللہ عنہا نے کہا: اے ام سلیم! تو نے رسوا کر دیا عورتوں کو (اس وجہ سے احتلام اسی عورت کو ہو گا جو بہت پرشہوت ہو اور منی بھی اس کی نکلے گی) پھر تیرے ہاتھ میں مٹی لگے (اور یہ انہوں نے نیک بات کہی) آپ صلی اللہ علیہ وسلم نے فرمایا: ”اے عائشہ! تیرے ہاتھ میں مٹی لگے“ اور ام سلیم رضی اللہ عنہا سے فرمایا: ”اے ام سلیم! عورت غسل کرے اس صورت میں جب ایسا دیکھے۔“
صحیح مسلم حدیث ۷۰۹ کا خلاصہ
اس حدیث میں ام سلیم رضی اللہ عنہا نے رسول اللہ صلی اللہ علیہ وسلم سے پوچھا کہ عورت اگر خواب میں وہ دیکھے جو مرد دیکھتا ہے تو کیا حکم ہے؟ سیدہ عائشہ رضی اللہ عنہا نے اس سوال پر بات کہی، مگر نبی صلی اللہ علیہ وسلم نے ام سلیم رضی اللہ عنہا کو جواب دیا کہ عورت غسل کرے جب ایسا دیکھے۔ اس روایت میں عورت کا احتلام، غسل واجب ہونے کا سبب، اور حق بات پوچھنے کا ادب سامنے آتا ہے۔ متن سے یہ بھی معلوم ہوتا ہے کہ دینی مسئلہ اگر شرم والا ہو تب بھی پوچھا جا سکتا ہے، کیونکہ عمل درست کرنے کے لیے علم ضروری ہے۔
اس حدیث سے ہماری تعلیم
- عورت احتلام کی صورت میں غسل کرے جب وہ کیفیت دیکھے۔
- شرعی مسئلہ پوچھنے میں غیر ضروری جھجک نہیں کرنی چاہیے۔
- نبی صلى الله عليه وسلم نے سوال کا واضح جواب دیا۔
