سنن نسائی حدیث ۸۳۳ - بیٹھ کر امام کی اقتدا
امام بیٹھ کر نماز پڑھائے تو مقتدی کیا کریں؟
سنن نسائی : ۸۳۳
سنن نسائیحدیث نمبر ۸۳۳
أَخْبَرَنَا قُتَيْبَةُ ، عَنْ مَالِكٍ ، عَنِ ابْنِ شِهَابٍ ، عَنْ أَنَسِ بْنِ مَالِكٍ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ رَكِبَ فَرَسًا فَصُرِعَ عَنْهُ فَجُحِشَ شِقُّهُ الْأَيْمَنُ فَصَلَّى صَلَاةً مِنَ الصَّلَوَاتِ وَهُوَ قَاعِدٌ فَصَلَّيْنَا وَرَاءَهُ قُعُودًا فَلَمَّا انْصَرَفَ قَالَ : " إِنَّمَا جُعِلَ الْإِمَامُ لِيُؤْتَمَّ بِهِ فَإِذَا صَلَّى قَائِمًا فَصَلُّوا قِيَامًا وَإِذَا رَكَعَ فَارْكَعُوا وَإِذَا قَالَ سَمِعَ اللَّهُ لِمَنْ حَمِدَهُ فَقُولُوا : رَبَّنَا لَكَ الْحَمْدُ وَإِذَا صَلَّى جَالِسًا فَصَلُّوا جُلُوسًا أَجْمَعُونَ " .
انس بن مالک روایت:
رسول اللہ صلی اللہ علیہ وسلم ایک گھوڑے پر سوار ہوئے تو آپ اس سے گر گئے اور آپ کے داہنے پہلو میں خراش آ گئی، تو آپ نے کچھ نمازیں بیٹھ کر پڑھیں، ہم نے بھی آپ کے پیچھے بیٹھ کر نماز پڑھی، جب آپ سلام پھیر کر پلٹے تو فرمایا: ”امام بنایا ہی اس لیے گیا ہے کہ اس کی اقتداء کی جائے، تو جب وہ کھڑے ہو کر نماز پڑھے تو تم بھی کھڑے ہو کر پڑھو، اور جب وہ رکوع کرے تو تم بھی رکوع کرو، اور جب وہ «سمع اللہ لمن حمده» کہے تو تم «ربنا لك الحمد» کہو، اور جب وہ بیٹھ کر نماز پڑھے تو تم سب بھی بیٹھ کر پڑھو“۔
سنن نسائی حدیث ۸۳۳ کا خلاصہ
انس بن مالک رضی اللہ عنہ بیان کرتے ہیں کہ رسول اللہ صلی اللہ علیہ وسلم گھوڑے سے گر گئے اور آپ کے دائیں پہلو میں خراش آ گئی۔ آپ نے کچھ نمازیں بیٹھ کر پڑھیں، اور صحابہ نے بھی آپ کے پیچھے بیٹھ کر نماز پڑھی۔ نماز کے بعد آپ نے فرمایا کہ امام اس لیے بنایا جاتا ہے کہ اس کی اقتدا کی جائے۔ جب وہ کھڑے ہو کر نماز پڑھے تو تم بھی کھڑے ہو، جب رکوع کرے تو رکوع کرو، جب «سمع اللہ لمن حمده» کہے تو «ربنا لك الحمد» کہو، اور جب وہ بیٹھ کر نماز پڑھے تو سب بیٹھ کر پڑھو۔ حدیث کا اصل موضوع امام کی پیروی ہے۔
اس حدیث سے ہماری تعلیم
- امام کی اقتدا نماز کا اہم اصول ہے۔
- امام کے رکوع، قیام اور سجدہ میں اس کی پیروی کی جاتی ہے۔
- نبی صلى الله عليه وسلم نے اپنی حالت کے مطابق بیٹھ کر نماز پڑھائی۔
- نماز کے بعد آپ صلى الله عليه وسلم نے مقتدیوں کو طریقہ سمجھایا۔
