صحیح بخاری حدیث ۲۳۳ - عکل و عرینہ کا واقعہ
عکل و عرینہ کی حدیث: بیماری، خیانت اور سخت جرم کا انجام
صحیح بخاری : ۲۳۳
صحیح بخاریحدیث نمبر ۲۳۳
حَدَّثَنَا سُلَيْمَانُ بْنُ حَرْبٍ ، قَالَ : حَدَّثَنَا حَمَّادُ بْنُ زَيْدٍ ، عَنْ أَيُّوبَ ، عَنْ أَبِي قِلَابَةَ ، عَنْ أَنَسٍ ، قَالَ : " قَدِمَ أُنَاسٌ مِنْ عُكْلٍ أَوْ عُرَيْنَةَ فَاجْتَوَوْا الْمَدِينَةَ ، فَأَمَرَهُمُ النَّبِيُّ صَلَّى اللَّهُ عَلَيْهِ وَسَلَّمَ بِلِقَاحٍ ، وَأَنْ يَشْرَبُوا مِنْ أَبْوَالِهَا وَأَلْبَانِهَا ، فَانْطَلَقُوا ، فَلَمَّا صَحُّوا قَتَلُوا رَاعِيَ النَّبِيِّ صَلَّى اللَّهُ عَلَيْهِ وَسَلَّمَ وَاسْتَاقُوا النَّعَمَ ، فَجَاءَ الْخَبَرُ فِي أَوَّلِ النَّهَارِ فَبَعَثَ فِي آثَارِهِمْ ، فَلَمَّا ارْتَفَعَ النَّهَارُ جِيءَ بِهِمْ ، فَأَمَرَ فَقَطَعَ أَيْدِيَهُمْ وَأَرْجُلَهُمْ وَسُمِرَتْ أَعْيُنُهُمْ وَأُلْقُوا فِي الْحَرَّةِ يَسْتَسْقُونَ فَلَا يُسْقَوْنَ ، قَالَ أَبُو قِلَابَةَ : فَهَؤُلَاءِ سَرَقُوا وَقَتَلُوا وَكَفَرُوا بَعْدَ إِيمَانِهِمْ وَحَارَبُوا اللَّهَ وَرَسُولَهُ " .
انس روایت:
کچھ لوگ عکل یا عرینہ (قبیلوں) کے مدینہ میں آئے اور بیمار ہو گئے۔ رسول اللہ صلی اللہ علیہ وسلم نے انہیں لقاح میں جانے کا حکم دیا اور فرمایا کہ وہاں اونٹوں کا دودھ اور پیشاب پئیں۔ چنانچہ وہ لقاح چلے گئے اور جب اچھے ہو گئے تو رسول اللہ صلی اللہ علیہ وسلم کے چرواہے کو قتل کر کے وہ جانوروں کو ہانک کر لے گئے۔علی الصبح رسول اللہ صلی اللہ علیہ وسلم کے پاس (اس واقعہ کی) خبر آئی۔ تو آپ نے ان کے پیچھے آدمی دوڑائے۔ دن چڑھے وہ نبی کریم صلی اللہ علیہ وسلم کی خدمت میں پکڑ کر لائے گئے۔ آپ کے حکم کے مطابق ان کے ہاتھ پاؤں کاٹ دئیے گئے اور آنکھوں میں گرم سلاخیں پھیر دی گئیں اور (مدینہ کی) پتھریلی زمین میں ڈال دئیے گئے۔ (پیاس کی شدت سے) وہ پانی مانگتے تھے مگر انہیں پانی نہیں دیا جاتا تھا۔ ابوقلابہ نے (ان کے جرم کی سنگینی ظاہر کرتے ہوئے) کہا کہ ان لوگوں نے چوری کی اور چرواہوں کو قتل کیا اور (آخر) ایمان سے پھر گئے اور اللہ اور اس کے رسول سے جنگ کی۔
صحیح بخاری حدیث ۲۳۳ کا خلاصہ
اس حدیث میں عکل یا عرینہ کے کچھ لوگوں کا واقعہ ہے۔ وہ مدینہ آئے اور بیمار ہو گئے۔ رسول اللہ صلی اللہ علیہ وسلم نے انہیں لقاح میں جانے کا حکم دیا اور فرمایا کہ وہاں اونٹوں کا دودھ اور پیشاب پئیں۔ وہ گئے، اچھے ہو گئے، پھر انہوں نے نبی صلی اللہ علیہ وسلم کے چرواہے کو قتل کیا اور جانور لے گئے۔ خبر پہنچی تو ان کے پیچھے آدمی بھیجے گئے، وہ پکڑ کر لائے گئے، پھر ان پر سخت سزا نافذ ہوئی۔ ابوقلابہ نے ان کے جرائم گنائے: چوری، قتل، ایمان کے بعد پھر جانا، اور اللہ و رسول سے جنگ۔ اس حدیث میں اصل زور جرم کی سنگینی پر ہے، نہ کہ عام حالات کے لیے کوئی الگ دعویٰ گھڑنے پر۔
اس حدیث سے ہماری تعلیم
- حدیث میں بیمار لوگوں کے ایک خاص واقعے کا ذکر ہے۔
- صحت یاب ہونے کے بعد ان لوگوں نے قتل اور چوری کی۔
- ابوقلابہ نے ان کے جرم کو بہت سنگین بتایا۔
- متن کو اسی واقعے تک محدود سمجھ کر پڑھنا چاہیے۔
