صحیح بخاری حدیث ۳۱۹۹ - سورج کا سجدہ اور قیامت کی نشانی
سورج کے سجدہ کی حدیث اور مغرب سے طلوع ہونے کی خبر
صحیح بخاری : ۳۱۹۹
صحیح بخاریحدیث نمبر ۳۱۹۹
حَدَّثَنَا مُحَمَّدُ بْنُ يُوسُفَ ، حَدَّثَنَا سُفْيَانُ ، عَنْ الْأَعْمَشِ ، عَنْ إِبْرَاهِيمَ التَّيْمِيِّ ، عَنْ أَبِيهِ ، عَنْ أَبِي ذَرٍّ رَضِيَ اللَّهُ عَنْهُ ، قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ لِأَبِي ذَرٍّ حِينَ غَرَبَتِ الشَّمْسُ تَدْرِي : " أَيْنَ تَذْهَبُ ، قُلْتُ : اللَّهُ وَرَسُولُهُ أَعْلَمُ ، قَالَ : فَإِنَّهَا تَذْهَبُ حَتَّى تَسْجُدَ تَحْتَ الْعَرْشِ ، فَتَسْتَأْذِنَ فَيُؤْذَنُ لَهَا وَيُوشِكُ أَنْ تَسْجُدَ فَلَا يُقْبَلَ مِنْهَا وَتَسْتَأْذِنَ فَلَا يُؤْذَنَ لَهَا ، يُقَالُ لَهَا : ارْجِعِي مِنْ حَيْثُ جِئْتِ فَتَطْلُعُ مِنْ مَغْرِبِهَا فَذَلِكَ قَوْلُهُ تَعَالَى وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ سورة يس آية 38 .
ابوذر غفاری روایت:
نبی کریم صلی اللہ علیہ وسلم نے جب سورج غروب ہوا تو ان سے پوچھا کہ تم کو معلوم ہے یہ سورج کہاں جاتا ہے؟ میں نے عرض کی کہ اللہ اور اس کے رسول ہی کو علم ہے۔ آپ صلی اللہ علیہ وسلم نے فرمایا کہ یہ جاتا ہے اور عرش کے نیچے پہنچ کر پہلے سجدہ کرتا ہے۔ پھر (دوبارہ آنے) کی اجازت چاہتا ہے اور اسے اجازت دی جاتی ہے اور وہ دن بھی قریب ہے، جب یہ سجدہ کرے گا تو اس کا سجدہ قبول نہ ہو گا اور اجازت چاہے گا لیکن اجازت نہ ملے گی۔ بلکہ اس سے کہا جائے گا کہ جہاں سے آیا تھا وہیں واپس چلا جا۔ چنانچہ اس دن وہ مغربی ہی سے نکلے گا۔اللہ تعالیٰ کے فرمان «والشمس تجري لمستقر لها ذلك تقدير العزيز العليم» (یٰسٓ: 38) میں اسی طرف اشارہ ہے۔
صحیح بخاری حدیث ۳۱۹۹ کا خلاصہ
اس حدیث کا اصل موضوع سورج کا سجدہ اور قیامت کی نشانی ہے۔ نبی کریم صلی اللہ علیہ وسلم نے حضرت ابوذر رضی اللہ عنہ سے سورج غروب ہونے کے وقت پوچھا کہ کیا تم جانتے ہو یہ کہاں جاتا ہے؟ انہوں نے کہا کہ اللہ اور اس کے رسول بہتر جانتے ہیں۔ آپ صلی اللہ علیہ وسلم نے فرمایا کہ یہ عرش کے نیچے جا کر سجدہ کرتا ہے، پھر اجازت چاہتا ہے اور اسے اجازت دی جاتی ہے۔ ایک وقت آئے گا جب سجدہ قبول نہیں ہو گا اور اجازت نہیں ملے گی، پھر اسے کہا جائے گا کہ جہاں سے آیا تھا وہیں واپس جا، تو وہ مغرب سے نکلے گا۔ حدیث میں سورہ یٰسین کی آیت بھی اسی بات کے ساتھ ذکر ہوئی ہے۔
اس حدیث سے ہماری تعلیم
- کائنات اللہ کے حکم کے تابع ہے۔
- غیب کی بات نبی صلى الله عليه وسلم کی خبر سے معلوم ہوتی ہے۔
- قیامت کی نشانیوں کو سن کر اللہ کی قدرت یاد کرنی چاہیے۔
