صحیح بخاری حدیث ۶۸۱۱ - سب سے بڑے گناہ: شرک، اولاد کا قتل اور پڑوسی کی بیوی سے زنا
سب سے بڑا گناہ کون سا ہے؟ شرک، قتل اور زنا کی حدیث
صحیح بخاری : ۶۸۱۱
صحیح بخاریحدیث نمبر ۶۸۱۱
حَدَّثَنَا عَمْرُو بْنُ عَلِيٍّ ، حَدَّثَنَا يَحْيَى ، حَدَّثَنَا سُفْيَانُ ، قَالَ : حَدَّثَنِي مَنْصُورٌ ، وَسُلَيْمَانُ ، عَنْ أَبِي وَائِلٍ ، عَنْ أَبِي مَيْسَرَةَ ، عَنْ عَبْدِ اللَّهِ رَضِيَ اللَّهُ عَنْهُ ، قَالَ : قُلْتُ : يَا رَسُولَ اللَّهِ ، أَيُّ الذَّنْبِ أَعْظَمُ ؟ قَالَ : " أَنْ تَجْعَلَ لِلَّهِ نِدًّا ، وَهُوَ خَلَقَكَ " . قُلْتُ : ثُمَّ أَيٌّ ؟ قَالَ : " أَنْ تَقْتُلَ وَلَدَكَ ، مِنْ أَجْلِ أَنْ يَطْعَمَ مَعَكَ ، قُلْتُ : ثُمَّ أَيٌّ ؟ قَالَ : أَنْ تُزَانِيَ حَلِيلَةَ جَارِكَ " ، قَالَ يَحْيَى : وَحَدَّثَنَا سُفْيَانُ ، حَدَّثَنِي وَاصِلٌ ، عَنْ أَبِي وَائِلٍ ، عَنْ عَبْدِ اللَّهِ ، قُلْتُ يَا رَسُولَ اللَّهِ : مِثْلَهُ . قَالَ عَمْرٌو فَذَكَرْتُهُ لِعَبْدِ الرَّحْمَنِ وَكَانَ حَدَّثَنَا ، عَنْ سُفْيَانَ ، عَنْ الْأَعْمَشِ وَمَنْصُورٍ ، وَوَاصِلٍ ، عَنْ أَبِي وَائِلٍ ، عَنْ أَبِي مَيْسَرَةَ ، قَالَ : دَعْهُ دَعْهُ .
عبداللہ بن مسعود روایت:
میں نے پوچھا: یا رسول اللہ! کون سا گناہ سب سے بڑا ہے۔ فرمایا یہ کہ تم اللہ کا کسی کو شریک بناؤ، حالانکہ اسی نے تمہیں پیدا کیا ہے۔ میں نے پوچھا: اس کے بعد؟ فرمایا یہ کہ تم اپنی اولاد کو اس خطرے سے مار ڈالو کہ وہ تمہارے کھانے میں تمہارے ساتھ شریک ہو گی۔ میں نے پوچھا: اس کے بعد؟ فرمایا یہ کہ تم اپنے پڑوسی کی بیوی سے زنا کرو، یحییٰ نے بیان کیا، ان سے سفیان نے بیان کیا، ان سے واصل نے بیان کیا، ان سے ابووائل نے اور ان سے عبداللہ بن مسعود رضی اللہ عنہ نے کہ میں نے عرض کیا: یا رسول اللہ! پھر اسی حدیث کی طرح بیان کیا۔عمرو نے کہا کہ پھر میں نے اس حدیث کا ذکر عبدالرحمٰن بن مہدی سے کیا اور انہوں نے ہم سے یہ حدیث سفیان ثوری سے بیان کی، ان سے اعمش، منصور اور واصل نے، ان سے ابوائل نے اور ان سے ابومیسرہ نے۔ عبدالرحمٰن بن مہدی نے کہا کہ تم اس سند کو جانے بھی دو۔
صحیح بخاری حدیث ۶۸۱۱ کا خلاصہ
اس حدیث میں عبداللہ بن مسعود رضی اللہ عنہ نے نبی کریم صلى الله عليه وسلم سے پوچھا کہ کون سا گناہ سب سے بڑا ہے۔ جواب میں سب سے پہلے شرک کا ذکر آیا: اللہ کا شریک بنانا، حالانکہ اسی نے انسان کو پیدا کیا۔ پھر پوچھا گیا کہ اس کے بعد کون سا گناہ ہے؟ فرمایا: اپنی اولاد کو اس ڈر سے مار ڈالنا کہ وہ کھانے میں شریک ہو گی۔ پھر تیسرا گناہ بتایا گیا: پڑوسی کی بیوی سے زنا کرنا۔ اس حدیث میں کبیرہ گناہ بہت صاف ترتیب سے بیان ہوئے ہیں۔ اس کا پیغام یہ ہے کہ اللہ کے حق، جان کے حق، اور پڑوسی کے گھر کی حرمت کو پامال کرنا بہت سنگین بات ہے۔
اس حدیث سے ہماری تعلیم
- شرک سب سے بڑا گناہ بتایا گیا ہے۔
- رزق کے خوف سے اولاد کو قتل کرنا بہت بڑا گناہ ہے۔
- پڑوسی کی بیوی سے زنا خاص طور پر سنگین گناہ بیان ہوا ہے۔
- اللہ کے حق، جان اور گھریلو حرمت کا خیال رکھنا لازم ہے۔
