صحیح مسلم حدیث ۱۰۹۳ - کثرتِ سجود کی فضیلت
کثرتِ سجود کی فضیلت: ہر سجدہ درجے کی بلندی کا سبب
صحیح مسلم : ۱۰۹۳
صحیح مسلمحدیث نمبر ۱۰۹۳
حَدَّثَنِي زُهَيْرُ بْنُ حَرْبٍ ، حَدَّثَنَا الْوَلِيدُ بْنُ مُسْلِمٍ ، قَالَ : سَمِعْتُ الأَوْزَاعِيَّ ، قَالَ : حَدَّثَنِي الْوَلِيدُ بْنُ هِشَامٍ الْمُعَيْطِيُّ ، حَدَّثَنِي مَعْدَانُ بْنُ أَبِي طَلْحَةَ الْيَعْمَرِيُّ ، قَالَ : " لَقِيتُ ثَوْبَانَ مَوْلَى رَسُولِ اللَّهِ صَلَّى اللَّهُ عَلَيْهِ وَسَلَّمَ ، فَقُلْتُ : أَخْبِرْنِي بِعَمَلٍ أَعْمَلُهُ ، يُدْخِلُنِي اللَّهُ بِهِ الْجَنَّةَ ؟ أَوَ قَالَ : قُلْتُ : بِأَحَبِّ الأَعْمَالِ إِلَى اللَّهِ ، فَسَكَتَ ، ثُمَّ سَأَلْتُهُ ، فَسَكَت ، ثُمَّ سَأَلْتُهُ الثَّالِثَةَ ، فَقَالَ : سَأَلْتُ عَنْ ذَلِكَ ، رَسُولَ اللَّهِ صَلَّى اللَّهُ عَلَيْهِ وَسَلَّمَ ، فَقَالَ : " عَلَيْكَ بِكَثْرَةِ السُّجُودِ لِلَّهِ ، فَإِنَّكَ لَا تَسْجُدُ لِلَّهِ سَجْدَةً ، إِلَّا رَفَعَكَ اللَّهُ بِهَا دَرَجَةً وَحَطَّ عَنْكَ بِهَا خَطِيئَةً " ، قَالَ مَعْدَانُ : ثُمَّ لَقِيتُ أَبَا الدَّرْدَاءِ ، فَسَأَلْتُهُ ، فَقَالَ لِي مِثْلَ ، مَا قَالَ لِي ثَوْبَانُ .
معدان بن ابی طلحہ یعمری روایت:
میں سیدنا ثوبان رضی اللہ عنہ سے ملا جو مولیٰ (غلام آزاد) تھے، رسول اللہ صلی اللہ علیہ وسلم کے اور کہا کہ مجھ کو ایسا کام بتلاؤ جس کی وجہ سے اللہ تعالیٰ مجھ کو جنت میں لے جائے یا یوں کہا کہ مجھ کو وہ کام بتاؤ جو سب کاموں سے زیادہ اللہ کو پسند ہے۔یہ سن کو سیدنا ثوبان رضی اللہ عنہ چپ ہو رہے۔ پھر میں نے ان سے پوچھا تو چپ رہے، پھر تیسری بار پوچھا تو کہا: میں نے بھی رسول اللہ صلی اللہ علیہ وسلم سے پوچھا تھا تو آپ صلی اللہ علیہ وسلم نے فرمایا: ”تو سجدہ بہت کیا کر، اس واسطے کہ ہر ایک سجدہ سے اللہ تعالیٰ تیرا ایک درجہ بلند کرے گا۔ اور تیرا ایک گناہ معاف کرے گا۔“ معدان نے کہا: پھر میں سیدنا ابوالدرداء رضی اللہ عنہ سے ملا ان سے پوچھا تو انہوں نے بھی ایسا ہی کہا جیسا سیدنا ثوبان رضی اللہ عنہ نے کہا تھا۔
صحیح مسلم حدیث ۱۰۹۳ کا خلاصہ
اس حدیث میں معدان بن ابی طلحہ بیان کرتے ہیں کہ انہوں نے سیدنا ثوبان رضی اللہ عنہ سے ایسا عمل پوچھا جو جنت میں لے جائے یا اللہ کو بہت پسند ہو۔ سیدنا ثوبان رضی اللہ عنہ نے بتایا کہ انہوں نے یہی سوال رسول اللہ صلی اللہ علیہ وسلم سے کیا تھا۔ آپ صلی اللہ علیہ وسلم نے فرمایا: اللہ کے لیے سجدے زیادہ کیا کرو، کیونکہ تم اللہ کے لیے ایک سجدہ کرتے ہو تو اللہ اس سے تمہارا ایک درجہ بلند کرتا ہے اور ایک خطا کم کرتا ہے۔ پھر معدان نے سیدنا ابوالدرداء رضی اللہ عنہ سے پوچھا تو انہوں نے بھی یہی جواب دیا۔ اس حدیث کا اصل موضوع کثرتِ سجود، نفل نماز، اور سجدہ کی فضیلت ہے۔
اس حدیث سے ہماری تعلیم
- اللہ کے لیے سجدے زیادہ کرنے کی ترغیب دی گئی ہے۔
- ہر سجدے کے ساتھ درجے کی بلندی اور خطا کی معافی کا ذکر حدیث میں آیا ہے۔
- دین کا سوال کرنے والے کو صحابہ نبی صلى الله عليه وسلم کی تعلیم کی طرف لوٹاتے تھے۔
