صحیح مسلم حدیث ۵۸۱ - وضو کی نشانی اور حوض کوثر
وضو کی نشانی: قیامت کے دن امت کی پہچان
صحیح مسلم : ۵۸۱
صحیح مسلمحدیث نمبر ۵۸۱
حَدَّثَنَا سُوَيْدُ بْنُ سَعِيدٍ ، وَابْنُ أَبِي عُمَرَ جَمِيعًا ، عَنْ مَرْوَانَ الْفَزَارِيِّ ، قَالَ ابْنُ أَبِي عُمَرَ ، حَدَّثَنَا مَرْوَانُ ، عَنْ أَبِي مَالِكٍ الأَشْجَعِيِّ سَعْدِ بْنِ طَارِقٍ ، عَنْ أَبِي حَازِمٍ ، عَنْ أَبِي هُرَيْرَةَ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " إِنَّ حَوْضِي أَبْعَدُ مِنْ أَيْلَةَ مِنْ عَدَنٍ ، لَهُوَ أَشَدُّ بَيَاضًا مِنَ الثَّلْجِ ، وَأَحْلَى مِنَ الْعَسَلِ بِاللَّبَنِ ، وَلَآنِيَتُهُ أَكْثَرُ مِنْ عَدَدِ النُّجُومِ ، وَإِنِّي لَأَصُدُّ النَّاسَ عَنْهُ ، كَمَا يَصُدُّ الرَّجُلُ إِبِلَ النَّاسِ عَنْ حَوْضِهِ ، قَالُوا : يَا رَسُولَ اللَّهِ ، أَتَعْرِفُنَا يَوْمَئِذٍ ؟ قَالَ : نَعَمْ ، لَكُمْ سِيمَا ، لَيْسَتْ لِأَحَدٍ مِنَ الأُمَمِ تَرِدُونَ عَلَيَّ غُرًّا مُحَجَّلِينَ مِنْ أَثَرِ الْوُضُوءِ " .
سیدنا ابوہریرہ روایت:
رسول اللہ صلی اللہ علیہ وسلم نے فرمایا: ”میرا حوض اتنا بڑا ہے کہ جیسے عدن سے ایلہ اس سے بھی زیادہ۔ اس کا پانی برف سے زیادہ سفید اور شہد دودھ سے زیادہ میٹھا ہے اور اس پر جو برتن رکھے ہوئے ہیں، وہ شمار میں تاروں سے زیادہ ہیں اور میں لوگوں کو روکوں گا اس حوض سے جیسے کوئی دوسرے کے اونٹوں کو اپنے حوض سے روکتا ہے۔“ لوگوں نے کہا: یا رسول اللہ! آپ ہم کو پہچان لیں گے اس دن؟ آپ صلی اللہ علیہ وسلم نے فرمایا: ”ہاں۔ تمہارا نشان ایسا ہو گا جو سوائے تمہارے کسی امت کے لئے نہ ہو گا۔ تم آؤ گے میرے سامنے سفید ہاتھ پاؤں لے کر وضو کی وجہ سے۔“
صحیح مسلم حدیث ۵۸۱ کا خلاصہ
اس حدیث میں حوض کوثر اور وضو کی فضیلت کا بہت خوبصورت بیان ہے۔ رسول اللہ صلی اللہ علیہ وسلم نے اپنے حوض کی وسعت، اس کے پانی کی سفیدی، مٹھاس اور برتنوں کی کثرت کا ذکر فرمایا۔ پھر صحابہ رضی اللہ عنہم نے پوچھا کہ کیا آپ اس دن ہمیں پہچان لیں گے؟ آپ صلی اللہ علیہ وسلم نے فرمایا کہ ہاں، تمہاری ایک خاص نشانی ہوگی جو کسی اور امت کو نہیں دی گئی۔ وہ نشانی وضو کے اثر سے سفید پیشانی، سفید ہاتھ اور سفید پاؤں ہوں گے۔ اس سے معلوم ہوتا ہے کہ وضو صرف نماز کی تیاری نہیں، بلکہ قیامت کے دن امت محمدیہ کی پہچان کا سبب بھی ہوگا۔
اس حدیث سے ہماری تعلیم
- وضو قیامت کے دن امت محمدیہ کی خاص پہچان بنے گا۔
- حوض کوثر رسول اللہ صلی اللہ علیہ وسلم کی امت کے لیے بڑی نعمت ہے۔
- وضو کو سنجیدگی سے کرنا مؤمن کے لیے عزت اور پہچان کا سبب ہے۔
- قیامت کے دن نبی صلی اللہ علیہ وسلم اپنی امت کو خاص نشانی سے پہچانیں گے۔
