سنن نسائی حدیث ۹۹۹ - امام لوگوں کو مشقت میں نہ ڈالے
امام کی ذمہ داری: نماز آسان اور مکمل ہو
سنن نسائی : ۹۹۹
سنن نسائیحدیث نمبر ۹۹۹
أَخْبَرَنَا قُتَيْبَةُ ، قال : حَدَّثَنَا اللَّيْثُ ، عَنْ أَبِي الزُّبَيْرِ ، عَنْ جَابِرٍ ، قال : صَلَّى مُعَاذُ بْنُ جَبَلٍ لِأَصْحَابِهِ الْعِشَاءَ فَطَوَّلَ عَلَيْهِمْ فَانْصَرَفَ رَجُلٌ مِنَّا فَأُخْبِرَ مُعَاذٌ عَنْهُ ، فَقَالَ : إِنَّهُ مُنَافِقٌ فَلَمَّا بَلَغَ ذَلِكَ الرَّجُلَ دَخَلَ عَلَى النَّبِيِّ صَلَّى اللَّهُ عَلَيْهِ وَسَلَّمَ فَأَخْبَرَهُ بِمَا قَالَ مُعَاذٌ ، فَقَالَ لَهُ النَّبِيُّ صَلَّى اللَّهُ عَلَيْهِ وَسَلَّمَ : " أَتُرِيدُ أَنْ تَكُونَ فَتَّانًا يَا مُعَاذُ إِذَا أَمَمْتَ النَّاسَ فَاقْرَأْ بِ الشَّمْسِ وَضُحَاهَا و سَبِّحِ اسْمَ رَبِّكَ الْأَعْلَى و اللَّيْلِ إِذَا يَغْشَى و اقْرَأْ بِاسْمِ رَبِّكَ " .
جابر روایت:
معاذ بن جبل رضی اللہ عنہ نے اپنے اصحاب کو عشاء پڑھائی تو انہوں نے قرأت ان پر طویل کر دی، تو ہم میں سے ایک شخص نے نماز توڑ دی (اور الگ نماز پڑھ لی) معاذ رضی اللہ عنہ کو اس کے متعلق بتایا گیا تو انہوں نے کہا: وہ منافق ہے، جب یہ بات اس شخص کو معلوم ہوئی، تو وہ نبی اکرم صلی اللہ علیہ وسلم کے پاس آیا، اور معاذ رضی اللہ عنہ نے جو کچھ کہا تھا آپ کو اس کی خبر دی، تو نبی اکرم صلی اللہ علیہ وسلم نے ان سے فرمایا: ”معاذ! کیا تم فتنہ بپا کرنا چاہتے ہو؟ جب تم لوگوں کی امامت کرو تو «والشمس وضحاها»، «سبح اسم ربك الأعلى»، «والليل إذا يغشى» اور «اقرأ باسم ربك» پڑھا کرو“۔
سنن نسائی حدیث ۹۹۹ کا خلاصہ
اس حدیث میں جابر رضی اللہ عنہ بیان کرتے ہیں کہ معاذ بن جبل رضی اللہ عنہ نے اپنے ساتھیوں کو عشاء پڑھائی اور قراءت ان پر لمبی کر دی۔ ایک شخص نے نماز توڑ کر الگ پڑھ لی۔ جب معاذ رضی اللہ عنہ کو بتایا گیا تو انہوں نے اسے منافق کہا۔ وہ شخص نبی صلی اللہ علیہ وسلم کے پاس آیا اور بات بتائی۔ آپ نے معاذ رضی اللہ عنہ سے فرمایا: کیا تم فتنہ بپا کرنا چاہتے ہو؟ پھر آپ نے «والشمس وضحاها»، «سبح اسم ربك الأعلى»، «والليل إذا يغشى» اور «اقرأ باسم ربك» پڑھنے کی ہدایت دی۔ یہ حدیث امام کو سکھاتی ہے کہ لوگوں پر نماز بھاری نہ بنائے اور کسی کی مجبوری پر سخت حکم نہ لگائے۔
اس حدیث سے ہماری تعلیم
- امام کو مقتدیوں کی طاقت اور ضرورت کا خیال رکھنا چاہیے۔
- کسی شخص کی مجبوری کو فوراً برا نام نہیں دینا چاہیے۔
- نبی صلی اللہ علیہ وسلم نے جماعت میں آسان قراءت کی رہنمائی فرمائی۔
- نماز مکمل ہو مگر لوگوں کے لیے غیر ضروری مشقت نہ بنے۔
