صحیح مسلم حدیث ۳۶۵۳ - ایک طلاق اور رجوع کا طریقہ
ایک طلاق اور رجوع کا طریقہ: حیض میں طلاق کی حدیث
صحیح مسلم : ۳۶۵۳
صحیح مسلمحدیث نمبر ۳۶۵۳
حدثنا يَحْيَى بْنُ يَحْيَى ، وَقُتَيْبَةُ ، وَابْنُ رُمْح ، واللَّفْظُ لِيَحْيَى قَالَ قُتَيْبَةُ : حدثنا لَيْثٌ ، وَقَالَ الْآخَرَانِ : أَخْبَرَنا اللَّيْثُ بْنُ سَعْدٍ ، عَنْ نَافِعٍ ، عَنْ عَبْدِ اللَّهِ : أَنَّهُ طَلَّقَ امْرَأَةً لَهُ وَهِيَ حَائِضٌ تَطْلِيقَةً وَاحِدَةً ، " فَأَمَرَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ يُرَاجِعَهَا ثُمَّ يُمْسِكَهَا حَتَّى تَطْهُرَ ، ثُمَّ تَحِيضَ عَنْدَهُ حَيْضَةً أُخْرَى ، ثُمَّ يُمْهِلَهَا حَتَّى تَطْهُرَ مِنْ حَيْضَتِهَا ، فَإِنْ أَرَادَ أَنْ يُطَلِّقَهَا فَلْيُطَلِّقْهَا حِينَ تَطْهُرُ مِنْ قَبْلِ أَنْ يُجَامِعَهَا ، فَتِلْكَ الْعِدَّةُ الَّتِي أَمَرَ اللَّهُ أَنْ يُطَلَّقَ لَهَا النِّسَاءُ " ، وَزَادَ ابْنُ رُمْحٍ فِي رِوَايَتِهِ : وَكَانَ عَبْدُ اللَّهِ إِذَا سُئِلَ ، عَنْ ذَلِكَ ، قَالَ : لِأَحَدِهِمْ أَمَّا أَنْتَ طَلَّقْتَ امْرَأَتَكَ مَرَّةً أَوْ مَرَّتَيْنِ ، فَإِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ : أَمَرَنِي بِهَذَا ، وَإِنْ كُنْتَ طَلَّقْتَهَا ثَلَاثًا فَقَدْ حَرُمَتْ عَلَيْكَ حَتَّى تَنْكِحَ زَوْجًا غَيْرَكَ ، وَعَصَيْتَ اللَّهَ فِيمَا أَمَرَكَ مِنْ طَلَاقِ امْرَأَتِكَ ، قَالَ مُسْلِم : جَوَّدَ اللَّيْثُ ، فِي قَوْلِهِ : تَطْلِيقَةً وَاحِدَةً .
عبداللہ روایت:
سیدنا عبداللہ رضی اللہ عنہ نے اپنی بی بی کو طلاق دی حالت حیض میں اور حکم کیا ان کو رسول اللہ صلی اللہ علیہ وسلم نے کہ رجوع کرے اور اس کو رکھے یہاں تک کہ وہ حیض سے پاک ہو اور پھر حائضہ ہو ان کے پاس دوسری بار اور پھر اسے مہلت دی جائے یہاں تک کہ پاک ہو دوسرے حیض سے پھر اگر ارادہ ہو طلاق کا طلاق دے جب وہ پاک ہو جماع سے پہلے۔ غرض یہی عدت ہے جس کا اللہ تعالیٰ نے حکم کیا ہے کہ اس کے حساب سے عورتوں کو طلاق دی جائے۔اور ابن رمح نے اپنی روایت میں یہ زیادہ کیا ہے کہ عبداللہ رضی اللہ عنہ سے جب یہ مسئلہ پوچھا جاتا تھا تو وہ کہتے تھے کہ تو نے اپنی عورت کو ایک یا دو طلاق دی ہیں (تو رجوع ہو سکتا ہے) اس لیے کہ رسول اللہ صلی اللہ علیہ وسلم نے مجھے اس کا حکم دیا تھا اور اگر تو نے تین طلاق دی ہیں تو وہ عورت تجھ پر حرام ہو گئی جب تک کہ وہ دوسرے مرد سے نکاح نہ کرے سوا تیرے اور نافرمانی کی تو نے اللہ کی اس طلاق کے بارے میں جو تیری عورت کے لیے تجھے سکھایا تھا۔مسلم رحمہ اللہ نے فرمایا کہ اس روایت میں ایک طلاق کا لفظ جو لیث نے کہا خوب کہا۔
صحیح مسلم حدیث ۳۶۵۳ کا خلاصہ
اس حدیث میں سیدنا عبداللہ بن عمر رضی اللہ عنہما کے واقعے کو مزید تفصیل سے بیان کیا گیا ہے۔ انہوں نے اپنی بیوی کو حالت حیض میں ایک طلاق دی۔ رسول اللہ صلی اللہ علیہ وسلم نے انہیں حکم دیا کہ رجوع کریں، پھر اسے اپنے پاس رکھیں یہاں تک کہ وہ پاک ہو، پھر دوسرا حیض آئے، پھر وہ دوبارہ پاک ہو۔ اگر اس وقت طلاق کا ارادہ ہو تو پاکی کی حالت میں جماع سے پہلے طلاق دے۔ حدیث میں اسے وہ عدت کہا گیا ہے جس کے حساب سے اللہ تعالیٰ نے عورتوں کو طلاق دینے کا حکم فرمایا۔ روایت کے آخر میں ابن عمر رضی اللہ عنہما کا جواب بھی آیا کہ ایک یا دو طلاق ہو تو رجوع کا معاملہ ہے، لیکن تین طلاق دے دی جائیں تو عورت حرام ہو جاتی ہے جب تک وہ دوسرے مرد سے نکاح نہ کرے۔ یہ حدیث طلاق میں ترتیب اور احتیاط سکھاتی ہے۔
اس حدیث سے ہماری تعلیم
- حیض میں دی گئی ایک طلاق کے بعد رجوع کا حکم بیان ہوا ہے۔
- طلاق کا وقت پاکی کی حالت اور جماع سے پہلے بتایا گیا ہے۔
- عدت کے حساب سے طلاق دینے کا حکم ذکر کیا گیا ہے۔
- روایت میں تین طلاق کے اثر کا بھی ذکر آیا ہے۔
