صحیح مسلم حدیث ۵۳۸ - وضو کا طریقہ اور دو رکعت کی فضیلت
نبی صلى الله عليه وسلم کے وضو جیسا وضو اور دو رکعت کی فضیلت
صحیح مسلم : ۵۳۸
صحیح مسلمحدیث نمبر ۵۳۸
حَدَّثَنِي أَبُو الطَّاهِرِ أَحْمَدُ بْنُ عَمْرِو بْنِ عَبْدِ اللَّهِ بْنِ عَمْرِو بْنِ سَرْحٍ ، وَحَرْمَلَةُ بْنُ يَحْيَى التُّجِيبِيُّ ، قَالَا : أَخْبَرَنَا ابْنُ وَهْبٍ ، عَنْ يُونُسَ ، عَنِ ابْنِ شِهَابٍ ، أَنَّ عَطَاءَ بْنَ يَزِيدَ اللَّيْثِيَّ أَخْبَرَهُ ، أَنَّ حُمْرَانَ مَوْلَى عُثْمَانَ أَخْبَرَهُ ، أَنَّ عُثْمَانَ بْنَ عَفَّانَرَضِيَ اللَّهُ عَنْهُ ، " دَعَا بِوَضُوءٍ فَتَوَضَّأَ ، فَغَسَلَ كَفَّيْهِ ثَلَاثَ مَرَّاتٍ ، ثُمَّ مَضْمَضَ وَاسْتَنْثَرَ ، ثُمَّ غَسَلَ وَجْهَهُ ثَلَاثَ مَرَّاتٍ ، ثُمَّ غَسَلَ يَدَهُ الْيُمْنَى إِلَى الْمِرْفَقِ ثَلَاثَ مَرَّاتٍ ، ثُمَّ غَسَلَ يَدَهُ الْيُسْرَى مِثْلَ ذَلِكَ ، ثُمَّ مَسَحَ رَأْسَهُ ، ثُمَّ غَسَلَ رِجْلَهُ الْيُمْنَى إِلَى الْكَعْبَيْنِ ثَلَاثَ مَرَّاتٍ ، ثُمَّ غَسَلَ الْيُسْرَى مِثْلَ ذَلِكَ ، ثُمَّ قَالَ : رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ تَوَضَّأَ نَحْوَ وُضُوئِي هَذَا ، ثُمَّ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : مَنْ تَوَضَّأَ نَحْوَ وُضُوئِي هَذَا ، ثُمَّ قَامَ فَرَكَعَ رَكْعَتَيْنِ ، لَا يُحَدِّثُ فِيهِمَا نَفْسَهُ ، غُفِرَ لَهُ مَا تَقَدَّمَ مِنْ ذَنْبِهِ " ، قَالَ ابْنُ شِهَابٍ : وَكَانَ عُلَمَاؤُنَا ، يَقُولُونَ : هَذَا الْوُضُوءُ أَسْبَغُ مَا يَتَوَضَّأُ بِهِ أَحَدٌ لِلصَّلَاةِ .
حمران روایت:
سیدنا حمران رضی اللہ عنہ سے روایت ہے جو مولیٰ (آزاد کئے ہوئے غلام) تھے سیدنا عثمان بن عفان رضی اللہ عنہ کے، انہوں نے کہا کہ سیدنا عثمان بن عفان رضی اللہ عنہ نے وضو کا پانی منگوایا اور وضو کیا، تو پہلے دونوں ہاتھوں کو (پہنچوں تک) تین بار دھویا، پھر کلی کی اور ناک میں پانی ڈالا، پھر تین بار منہ دھویا، پھر داہنا ہاتھ دھویا کہنی تک تین بار، پھر بایاں ہاتھ دھویا تین بار، پھر مسح کیا سر پر، پھر داہنا پاؤں دھویا تین بار، پھر بایاں پاؤں دھویا تین بار، بعد اس کے کہا کہ میں نے رسول اللہ صلی اللہ علیہ وسلم کو دیکھا کہ آپ صلی اللہ علیہ وسلم نے وضو کیا اسی طرح جیسے میں نے اب وضو کیا۔ پھر رسول اللہ صلی اللہ علیہ وسلم نے فرمایا: ”جو شخص میرے وضو کی طرح وضو کرے پھر دو رکعتیں پڑھے کھڑے ہو کر بیچ میں ان کے اور کسی خیال میں غرق نہ ہو تو اس کے اگلے گناہ سب بخش دئیے جائیں گے۔“ ابن شہاب رحمہ اللہ نے کہا: ہمارے علماء کہتے تھے کہ یہ وضو سب وضوؤں میں پورا ہے جو نماز کے لیے کیا جائے۔
صحیح مسلم حدیث ۵۳۸ کا خلاصہ
اس حدیث میں سیدنا عثمان بن عفان رضی اللہ عنہ نے وضو کا عملی طریقہ دکھایا۔ انہوں نے پہلے دونوں ہاتھ تین بار دھوئے، کلی کی، ناک میں پانی ڈالا، چہرہ تین بار دھویا، دونوں ہاتھ کہنیوں تک تین بار دھوئے، سر کا مسح کیا، پھر دونوں پاؤں تین بار دھوئے۔ اس کے بعد فرمایا کہ میں نے رسول اللہ صلى الله عليه وسلم کو اسی طرح وضو کرتے دیکھا۔ پھر نبی صلى الله عليه وسلم کا فرمان بیان کیا کہ جو شخص میرے اس وضو کی طرح وضو کرے، پھر دو رکعتیں پڑھے اور ان میں اپنے دل کو خیالوں میں نہ لگائے، تو اس کے پچھلے گناہ بخش دیے جائیں گے۔ ابن شہاب رحمہ اللہ نے اسے نماز کے لیے کامل وضو کہا۔
اس حدیث سے ہماری تعلیم
- سیدنا عثمان رضی اللہ عنہ نے وضو کا طریقہ عملی طور پر دکھایا۔
- نبی صلى الله عليه وسلم کے وضو جیسا وضو کرنے کی فضیلت بیان ہوئی۔
- وضو کے بعد دو رکعت نماز کا ذکر اس حدیث میں آیا ہے۔
- نماز میں دل کو خیالوں میں نہ لگانے کی ترغیب دی گئی ہے۔
